Samsung ka sjellë një tjetër revolucion në botën e smartphone-ve me serinë e re Galaxy S25, duke kombinuar teknologjinë më të fundit, sigurinë maksimale dhe një dizajn modern që tërheq vëmendjen që në shikim të parë. Me Galaxy S25, S25+ dhe veçanërisht Galaxy S25 Ultra, përdoruesit përfitojnë një përvojë të balancuar në mënyrë të përkryer, një pajisje premium që nuk komprometon as dizajnin, as performancën dhe as çmimin.
Galaxy S25 vjen me procesorin e ri Snapdragon 8 Elite për Galaxy, të ndërtuar posaçërisht për të përballuar ngarkesat më të rënda të inteligjencës artificiale, performancës së lojërave dhe përpunimit të imazheve.
Një nga risitë më të rëndësishme të kësaj serie është integrimi i inteligjencës artificiale në çdo aspekt të pajisjes. Nga kërkimet më të shpejta dhe kontekstuale me Circle to Search, te ndërveprimet natyrale me Gemini përmes komandave zanore apo tekstuale, Galaxy S25 shndërrohet në një asistent të vërtetë personal që e kupton përdoruesin.
Kur bëhet fjalë për privatësinë, Samsung nuk lë asgjë rastësisht. Me teknologjinë Knox Vault dhe analizën e të dhënave brenda pajisjes për funksionet me bazë AI, të gjitha informacionet tuaja personale qëndrojnë të sigurta. Për më tepër, Galaxy S25 mbështet edhe kriptografinë post-kuantike, që mbron të dhënat nga kërcënimet e së ardhmes, duke vendosur standarde të reja për sigurinë dixhitale.
Samsung ka vendosur gjithashtu një rekord të ri në përkushtimin ndaj përditësimeve afatgjata. Me shtatë vite përditësime të garantuara të sistemit operativ dhe sigurisë, Galaxy S25 është ndërtuar për të qëndruar i besueshëm dhe funksional për shumë vite me radhë, duke kursyer përdoruesit nga nevoja për të ndërruar pajisje shpesh dhe duke ofruar mbështetje të vazhdueshme.
Në aspektin vizual, Galaxy S25 Ultra përfaqëson dizajnin më të rafinuar të serisë deri më tani. Me material titan, ekran të mbrojtur nga Corning Gorilla Armor dhe forma ergonomike, ky telefon është i fortë, elegant dhe i këndshëm në dorë. Ekrani i gjeneratës së re ofron ndriçim të fuqishëm, ngjyra të pasura dhe konsum të ulët energjie, duke e bërë të përkryer për çdo lloj përdorimi.
Kamera mbetet një nga pikat më të forta të Galaxy S25 Ultra, me një sensor të ri ultra të gjerë, përpunim të imazhit me inteligjencë artificiale dhe veçori të tilla si Generative Edit dhe Virtual Aperture, çdo foto dhe video del me cilësi të nivelit profesional.
Me Galaxy S25, Samsung ka arritur të krijojë një pajisje që është më shumë se një smartphone është një mjet i fuqishëm, i sigurt, i zgjuar dhe i dizajnuar për të qëndruar. Dhe me një çmim të arsyeshëm për nivelin e teknologjisë që ofron, kjo seri vendos një standard të ri për atë që përdoruesit mund të presin nga një telefon i klasit të lartë. /PCWorld Albanian
https://connect.facebook.net/en_US/sdk.js#xfbml=1&version=v10.0
