Deputetja e LDK-së, Hykmete Bajrami, ka reaguar ndaj deklaratave të ministres në detyrë të Drejtësisë, Albulena Haxhiu, për Gjykatën Kushtetuese.
Bajrami tha se as presidentja Vjosa Osmani e as Lëvizja Vetëvendosje nuk e kanë kundërshtuar përbërjen e Gjykatës Kushtetuese në vitin 2020, kur kjo gjykatë rrëzoi qeverinë, dhe se sulmet e sotme ndaj saj tregojnë “më shumë për ministren sesa për gjykatat”.
Ajo akuzoi Haxhiun se gjatë gati pesë viteve në krye të Ministrisë së Drejtësisë nuk ka realizuar asnjë reformë dhe kujtoi rastin pas sulmit terrorist në Banjskë, kur, sipas saj, Radojçiqi iku në mes të ditës “nën vëzhgimin e kamerave”, pa asnjë shpjegim nga qeveria, transmeton Klankosova.tv.
Bajrami shtoi se Qeveria e LVV-së ka pasur mundësi ta shpallë Listën Serbe organizatë terroriste, por nuk e ka bërë, ndërsa sot, “sa herë që ndonjë vendim nuk ju pëlqen, e lidhni me Serbinë dhe Radojçiqin”.
Sipas saj, LVV dhe presidentja Osmani “po e duan Gjykatën Kushtetuese pa kuorum” dhe duhet të sqarojnë arsyet.
The post Bajrami – Haxhiut: LVV po e do Gjykatën Kushtetuese pa kuorum, tregoni pse? appeared first on Klan Kosova.
