Lionel Messi mund të përballet me mundësinë e shembjes së vilës së tij 11 milionëshe në Ibiza, pasi vazhdon polemika rreth pronës prej 16.000 metrash katrorë, e cila është ndërtuar në tokë të mbrojtur pa lejet e nevojshme.
Messi e bleu vilën në vitin 2022, por është përballur me një sërë problemesh kohët e fundit, përfshirë edhe rastin kur grupi aktivist për klimën, Futuro Vegetal, vandalizoi pronën vitin e kaluar.
Prona ndodhet në Sant Josep de Sa Talaia, në bregun perëndimor të Ibizas, dhe është blerë nga Messi nga biznesmeni zviceran Philippe Amon në vitin 2022.
Por vila ka shkelur rregullat urbanistike, pasi ylli i Inter Miami nuk posedon aktualisht një certifikatë të vlefshme banimi apo lejet e nevojshme për ndërtim, duke qenë se prona ndodhet në një zonë të mbrojtur.
Sipas ABC, një shembje e pjesshme e vilës “nuk është përjashtuar” nëse situata nuk zgjidhet.
Lionel Messi
Prona është cilësuar si një “aset toksik”, pasi nuk mund të shitet apo jepet me qira, dhe Messit i është ndaluar të kryejë punime të mëtejshme në të me një dekret nga kryebashkiaku.
Shtëpia për pushime përfshin edhe një pishinë prej 92 metrash katrorë dhe një fushë futbolli private, ndërsa këshilli bashkiak ka “hapur procedurat” lidhur me “ndryshimet e paligjshme”, sipas raportit.
Në gusht të vitit 2024, aktivistët e klimës Futuro Vegetal u futën dhe vandalizuan pronën, duke e lyer me bojë të kuqe dhe të zezë dhe duke shpërndarë fotografi të veprimeve të tyre në rrjetet sociale.
Dy anëtarë të grupit u panë duke mbajtur një pankartë ku shkruhej: “Ndihmojeni planetin, hani të pasurit, shfuqizoni policinë”, që besohet të jetë në kundërshtim me politikat qeveritare që, sipas tyre, po përkeqësojnë krizën klimatike./Telegrafi/