Është arrestuar personi i katërt i dyshuar për përfshirje në rastin e veprës penale “Vjedhje e rëndë në tentativë” në veri.
Policia bën të ditur se i dyshuari i katërt është V.I., i lindur më 1998 dhe ndaj të njëjtit është caktuar masa e ndalimit për 48 orë.
Sipas njoftimit, më 21 qershor në stacionin policor të Mitrovicës në veri janë raportuar dy raste të vjedhjeve në tentativë:
Rasti I – Rreth orës 00:40, ankuesi ka njoftuar se persona të panjohur me forcë kanë hapur dritaren e një lokali në rrugën “Vasilija Ostroskog”, por nuk kanë arritur të vjedhin asgjë për shkak se është aktivizuar alarmi.
Rasti II – Në rrugën “Çlirimi” rreth orës 22:30, ankuesi ka raportuar se ka vërejtur tre persona duke tentuar të kryejnë një vjedhje në shtëpinë e tij, por të njëjtit janë larguar nga vendi i ngjarjes.
Policia ka reaguar menjëherë pas pranimit të informatave dhe më 21.06.2025, rreth orës 22:50, ka arritur të ndalojë tre persona të dyshuar në rrugën “Nemaninja”, të cilët janë:
Z.B. i lindur më 2005,
A.S. i lindur më 2000,
M.H. i lindur më 1995.
Të njëjtit janë arrestuar dhe shoqëruar në stacion policor. Me vendim të prokurorit të shtetit, ndaj tyre është caktuar masa e ndalimit për 48 orë.
The post Arrestohet personi i katërt i dyshuar për “vjedhje në tentativë” në veri appeared first on Klan Kosova.
