Një 24-vjeçar nga Kosova është arrestuar në Embrach, pasi dyshohet se ka plagosur me thikë një 30-vjeçar nga Maqedonia e Veriut gjatë një përleshjeje në stacionin e trenit, mbrëmjen e së premtes.
Sipas Policisë Kantonale të Zurich, ngjarja ka ndodhur rreth orës 17:50. Viktima është dërguar me ambulancë në spital, ndërsa i dyshuari është larguar nga vendi i ngjarjes dhe është arrestuar rreth dy orë më vonë në kantonin Schwyz.
Autoritetet kanë nisur hetimet për të zbardhur motivin dhe rrethanat e plota të incidentit, ndërsa përkohësisht është kufizuar qasja në stacionin e trenit.
Sinjali – aty ku e vërteta flet para lajmit!
