Policia izraelite njoftoi të enjten se ka arrestuar një burrë për kërcënimin me vrasje të kryeministrit Benjamin Netanyahu.
Sipas policisë, pak para se të fillonte festa e Vitit të Ri Hebraik të hënën në mbrëmje, një burrë në të dyzetat nga qyteti jugor Kiryat Gat hyri në stacionin lokal të policisë dhe deklaroi se kishte për qëllim të vriste Netanyahun.
“I dyshuari u ka thënë oficerëve se planifikonte të blinte një armë zjarri dhe të qëllonte kryeministrin tre herë”, tha policia.
Burri është arrestuar, dhe një padi kundër tij pritet të ngrihet të enjten. Policia ka theksuar se synon ta mbajë në paraburgim deri në përfundim të procedurave ligjore.
Sondazhet tregojnë se Netanyahu po humbet mbështetjen publike gjatë luftës gati dyvjeçare në Gazë kundër militantëve të Hamasit, gjë që ka ngritur shqetësime për izolimin global të Izraelit.
Aktualisht, janë 48 pengje të mbajtura në Gazë, 20 prej të cilave besohet se janë ende gjallë. Familjet e tyre kanë kërkuar nga qeveria izraelite të ndërmarrë një marrëveshje që do t’i kthejë ata në shtëpi.
Sinjali – aty ku e vërteta flet para lajmit!