Aktorja Nina Dobrev dhe Shaun White thuhet se i kanë dhënë fund fejesës së tyre pas pesë vitesh lidhje.
Edhe pse ata ende nuk e kanë njoftuar zyrtarisht ndarjen e tyre, shenja të shumta tregojnë se kanë marrë një vendim të ndërsjellë për të ndjekur rrugë të ndara.
Çifti u pa për herë të fundit së bashku në publik më 31 gusht në Los Angeles.
Edhe pse aktorja ndau foto të hënën që ende tregon unazën e saj të fejesës, nuk dihet se kur janë bërë në të vërtetë fotot.
Gjithashtu, të shtunën, Nina u shfaq në tapetin e kuq të Festivalit Ndërkombëtar të Filmit në Toronto, por ajo që vunë re të gjithë të pranishmit ishte se nuk e mbante më unazën e fejesës.
Përveç kësaj, fotot e fejesës u hoqën edhe nga profilet e saj në rrjetet sociale.
Një burim pranë çiftit i tha revistës People: “Ishte një vendim i ndërsjellë dhe nuk ishte i lehtë, por u mor me dashuri dhe respekt të thellë reciprok”.
Edhe pse lajmi i ndarjes është bërë objekt spekulimesh mediatike, as Nina dhe as Shaun nuk kanë bërë ende një deklaratë publike.
Si kujtesë, Nina dhe Shaun u takuan në vitin 2019 dhe e konfirmuan lidhjen e tyre në prill të vitit 2020.
Që atëherë, ata kanë postuar shpesh foto së bashku dhe kanë ndarë momente të lumtura me fansat.
Në tetor 2024, Shaun i propozoi Ninas dhe e konfirmuan lajmin e lumtur së bashku në rrjetet sociale. Ai i propozoi asaj me një unazë diamanti 5 karatësh në një lokal të famshëm në New York. /Telegrafi/