Përplasja e fundit komerciale ajrore në ShBA ishte në shkurt të vitit 2009, kur një fluturim i Continental Airlines që u nis nga Newark, New Jersey, i operuar nga Colgan Air, u përplas me një shtëpi teksa po i afrohej aeroportit në Buffalo, Nju Jork.
Avioni ishte një Bombardier Q400 dhe 49 persona humbën jetën në përplasje, shkruan BBC, transmeton Klankosova.tv.
Përplasja më e fundit në shkallë të gjerë të American Airlines ishte në nëntor 2001 pranë Aeroportit Ndërkombëtar John F. Kennedy.
Fluturimi nr 587 i American Airlines, një Airbus A300, u rrëzua menjëherë pas ngritjes, duke vrarë 265 persona.
Fluturimi ishte nisur për në Santo Domingo në Republikën Domenikane dhe u rrëzua në zonën Belle Harbor të Rockaways në lagjen Queens të Nju Jorkut.
Edhe aksidenti i sotëm mes një aeroplani të American Airlines me një helikopter në Uashington DC, konsiderohet si i tillë.
Nuk dihet ende se sa persona kanë mbetur të vdekur, derisa u raportua se 64 persona ishin në bord të aeroplanit, ndërsa tre në helikopter.
Sipas policisë, 18 persona janë gjetur të vdekur, ndërsa ende asnjë i mbijetuar.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
