Një aksident trafiku me lëndime është raportuar sot herët në mëngjes në rrugën Prishtinë–Ferizaj.
Rastin e ka konfirmuar për Gazeta Sinjali, zëdhënëse e Policisë për rajonin e Prishtinës, Flora Ahmeti, e cila tha se rreth orës 04:30, është pranuar informata për një aksident ku ishte i përfshirë një automjet.
Si pasojë e aksidentit, një person ka pësuar lëndime.
Njësiti rajonal i trafikut ka dalë në vendin e ngjarjes dhe po merret me hetimin e rastit. Nuk janë dhënë detaje shtesë rreth shkaktarëve të aksidentit apo gjendjes shëndetësore të të lënduarit.
Hetimet janë në vazhdim.
Sinjali – aty ku e vërteta flet para lajmit!