Një përplasje mes një veture zyrtare të policisë dhe një veture civile ka ndodhur sot në rrugën magjistrale Ferizaj‑Gjilan, në fshatin Sojevë.
Ngjarja u konfirmua për Gazeta Sinjali nga zëdhënësi i Policisë për rajonin e Ferizajt, Kanun Veseli, që bëri të ditur se nuk ka persona të lënduar.
“Më datë 27.09.2025 rreth orës 12:00, në rrugë magjistrale Ferizaj – Gjilan, në fshatin Sojevë të Ferizajt, ka ndodhur një aksident trafiku. Në aksident kanë qenë të përfshira: – një veturë zyrtare e policisë dhe një veturë civile me targa vendore. Në këtë aksident janë shkaktuar vetëm dëme materiale, ndërsa nuk raportohet për persona të lënduar”, tha Veseli për Sinjalin.
Në vendin e ngjarjes ka dalë njësia e hetimeve të aksidenteve, e cila po trajton rastin dhe po mbledh dëshmi për shkakun e përplasjes.
Sinjali – aty ku e vërteta flet para lajmit!