Mbrëmjen e 25 dhjetorit të vitit 2022 në Zubin Potok, kishte ngjarë një sulm afër një patrulle të KFOR-it. Misioni paqeruajtës i NATO-s në Kosovë, pati njoftuar se në incident ishin përfshirë njerëz të panjohur dhe të armatosur, por se nuk kishte pasur ndonjë lëndim a dëm material.
Pikërisht për këtë ngjarje, atë natë kishin shkëmbyer porosi serbja nga Mitrovica, Ana Murganiq, dhe partneri i saj në atë kohë pilot në kontingjentin kroat të KFOR-it, me inicialet J.I.
Çifti, i cili nga e enjtja po qëndron në paraburgim një muajsh në Split të Kroacisë, u arrestua të mërkurën, mbi dyshimet për spiunazh.
Autoritetet kroate thonë se piloti i ushtrisë së tyre i dha informacione të dashurës së tij, e cila kishte punuar mes tjerash në misione ndërkombëtare në Kosovë, dhe dyshohet se informatat konfidenciale që i merrte nga J.I, ajo i ndante me Serbinë, e subjektin Lista Serbe në Kosovë.
Ndonëse hetimi i rastit të spiunazhit, që po llogaritet ndër më të mëdhenjtë në historinë moderne të Kroacisë, është shpallur hetim plotësisht i mbyllur, mediat kroate kanë nxjerrë detaje.
Më 26 dhjetor 2022, një ditë pas sulmit ndaj KFOR-it, gazeta “Index” e Zagrebit, njofton se Ana Murganiq kishte kontaktuar me Vlladimir Radojeviqin, i njohur me nofkën MAMI, që kjo thotë se e ka shok nga fëmijëria.
Ndiqeni të plotë kronikën në vijim:
The post Afera e spiunimit: Serbët sulmojnë KFOR-in, nervozohet kroati (VIDEO) appeared first on Klan Kosova.