Një aeroplan plot me turistë u detyrua të shëtiste mbi një aeroport, pasi kontrollori i trafikut ra në gjumë.
Pasagjerët e një fluturimi nga Parisi në Korsikë mbetën të ‘varur’ në ajër pasi anëtari i stafit të aeroportit në tokë bëri një gjumë në mes të turnit, zbuloi të mërkurën autoriteti i aviacionit civil të Francës.
Pasi punonjësi ra në gjumë të hënën, piloti i fluturimit të Air Corsica nga aeroporti i Parisit, Orly në Ajaccio, u detyrua të fluturonte mbi Detin Mesdhe për ’18 minuta’.
Piloti po fluturonte rreth aeroportit për aq kohë sa ishin vënë në vend plane për t’u devijuar në Bastia, një qytet port në anën tjetër të ishullit.
Ata u shpëtuan nga gjendja e tyre e pasigurt, vetëm pasi kontrollori i trafikut u zgjua dhe u udhëzuan në pistë të sigurt.
Kontrollori kishte pritur aeroplanin, i cili ishte një orë me vonesë, vetëm në turnin e tij dhe kishte rënë në gjumë, duke mos arritur të ndriçonte pistën e vetme prej 2,400 metrash.
Kapiteni i tha The Times: “Në një karrierë prej disa dekadash nuk më është dashur kurrë të përballem me një situatë të tillë. Bëmë një tur të vogël. Në asnjë moment nuk pati panik. Të gjithë qëndruan të qetë”.
Ai shtoi se të gjithë pasagjerët e gjetën çështjen qesharake dhe e trajtuan atë “me humor të mirë”.
“Ndërhyrja e departamentit të zjarrfikësve të aeroportit në kullën e kontrollit zbuloi se kontrollori i trafikut ajror në detyrë kishte rënë në gjumë në postin e tij”, shtoi autoriteti i aviacionit.
Pasi kontrollori u zgjua, “aeroplani u ul në mënyrë të sigurt”, tha autoriteti, duke shtuar se kishte hapur një hetim për “situatën e pazakontë”.
Megjithëse kontrollori kishte rezultuar negativ për alkool, “një sanksion i mundshëm është duke u shqyrtuar”. /Telegrafi/