Një aeroplan i kompanisë Air India është rrëzuar të enjten në mëngjes në aeroportin e qytetit Ahmedabad, në Indinë perëndimore, kanë raportuar mediat vendore, duke mos konfirmuar ende nëse ka viktima.
Aeroplani ishte nisur për në Birmingham në Mbretërinë e Bashkuar kur ndodhi aksidenti.
Rrëzimi ka ndodhur gjatë fazës së ngritjes, ndërkohë që pamje të publikuara nga mediat tregojnë mbeturina të përfshira nga flakët, me tym të zi të dendur që ngrihej mbi zonën e aeroportit.
Në vendin e ngjarjes janë parë ambulanca dhe ekipe shpëtimi, ndërsa persona të lënduar janë transportuar me barela drejt spitaleve.
Sipas raportimit të Reuters, në bord kanë qenë më shumë se 100 pasagjerë. Autoritetet nuk kanë dhënë ende një njoftim zyrtar lidhur me numrin e viktimave apo gjendjen e të mbijetuarve, ndërsa hetimet për shkaqet e aksidentit janë në zhvillim.
1/
Air India flight AI-171 to London, Plane Crash during takeoff in Meghani Nagar, Ahmedabad, Gujarat. ~242 passengers on board.Thick smoke reported; fire brigade, emergency teams on site. Cause unknown, injuries reported. Rescue ops ongoing. #Ahmedabad #PlaneCrash pic.twitter.com/AExntYfdBy
— GeoTechWar (@geotechwar) June 12, 2025
Sinjali – aty ku e vërteta flet para lajmit!
