Lumir Abdixhiku, kandidati për kryeministër i LDK-së ka mbajtur një tubim në Gjakovë, ku është shprehur se LDK-në që po e kanë kërkuar qytetarët, tashmë e kanë.
Ai para qytetarëve të Gjakovës ka lavdëruar ekipin e tij, duke e quajtur të shkëlqyeshëm, njofton Klankosova.tv.
“Këtë LDK, këtë LDK që e kërkojnë qytetarët tanë tash e sa kohë tashmë e kanë. Këtë LDK që kërkon, që përbashkon, që ngritët mbi çdo sfidë, tashmë qytetarët e Kosovës e kanë. Rreth vetes e kam një ekip të shkëlqyeshme”.
“Këta burra e gra i keni parë sot në listën e 110 anëtarëve të Lidhjes Demokratike të Kosovës, listën fituese, përbërjen e Qeverisë së ardhshme, Republikës Rugoviste të Kosovës. Nga sonte qëndrojmë të bashkuar”.
“Nga sonte qëndrojmë të fortë. Nga sonte dalim me plot bindje se ne ndryshimi për Kosovën. Zoti e bekoftë Gjakovën, Zoti e bekoftë Kosovën, Zoti e bekoftë Lidhjen Demokratike të Kosovës”, është shprehur Abdixhiku nga Gjakova.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
