Trajneri i Al-Nassr, Jorge Jesus, ka bërë një deklaratë shqetësuese lidhur me gjendjen e Cristiano Ronaldos pas dëmtimit të muskulit të kofshës së pasme.
Sulmuesi portugez e pësoi këtë lëndim gjatë ndeshjes kundër Al-Fayha fundjavën e kaluar, dhe duket se problemi mund të jetë më serioz se sa ishte pritur fillimisht.
Është vet trajneri i klubit saudit, Jesus, i cili ka treguar situatën e dëmtimit të sulmuesit portugez.
“Cristiano tani do të udhëtojë për në Spanjë, si lojtarët e tjerë që shkuan për trajtim kur u lënduan”.
“Lëndimi i tij kërkoi trajtim në Madrid me terapistin e tij personal dhe shpresojmë që ai të kthehet shpejt dhe të ndihmojë ekipin”, përfundoi trajneri i Al Nassr.
Afati i saktë kohor i rikuperimit nuk është zbuluar, gjë që ngre dyshime mbi shanset e tij për të luajtur në Kupën e Botës 2026.
Sinjali – aty ku e vërteta flet para lajmit!
