Ndonëse disa burime pohojnë se vezët janë një zgjedhje e dobët ushqimore kur bëhet fjalë për shëndetin e zemrës, kardiokirurgu Jeremy London argumenton të kundërtën.
“Kolesteroli dietik në fakt nuk ndikon në nivelet e përgjithshme të kolesterolit në trup aq sa mendonim dikur”, shpjegoi ai për Fox Neës Digital.
Vezët, sipas tij, janë burim i shkëlqyer i proteinave dhe janë të pasura me minerale dhe mikroelemente si vitamina D, B12, seleni dhe kolinë, transmeton Klankosova.tv.
“ Është dëshmuar se nuk janë rreziku që konsideroheshin në vitet ’70 dhe ’80,” tha ai, duke shtuar se tani konsiderohen si një zgjedhje e shkëlqyer ushqimore. Shoqata Amerikane e Zemrës thotë se një vezë në ditë është e sigurt për zemrën tek të rriturit e shëndetshëm, ndërsa dy janë të pranueshme për të moshuarit me kolesterol normal.
London theksoi se pjesa më e madhe e vlerave ushqyese në fakt vjen nga e verdha, ndërsa e bardha është e pasur me proteina, shkruan Index.hr, transmeton Klankosova.tv.
Në fund doktori theksoi se ngrënia e vezëve është zgjedhje personale. “Dëgjoni trupin tuaj, monitoroni biomarkerët tuaj dhe krijoni një plan ushqimor që është plotësisht i përshtatur për ju”, përfundoi ai.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
